27 February 2019
Brûe.
Drenkeling in donkerduister deinend oseaan,
sielsalleen, drywend vergraf...
Samesynsbanneling wat troosloos betraand,
Droewigdynsend enkelpad voetvoos draf...
Vriendelik woordwaarsku, so goed die trou,
kopsku verbygehou!
Waakwoord se beierende klokgelui,
Selfbesluit, afdraaipad by vriendsorg dwarsverby!
Soveel bidbrûe afgebrand, om nooit weer terug te keer...
Omgeegawes, stiefrug ferm gedraai.
Soveel brandbrûe, soveel spytseer!
Puinherhinneringe, doodsaad gesaai!
Laaste witsandwoel deur uurglasnek,
laat my deure oopbreek dwarsdeur puinhoopspyn!
Ruim vergifnis vind...
Ek is maar net U kansverspeelde kind...
©MCH
Comments